Saturday, November 29, 2014

الحُكم





مين إتظلم ومين ظلم ، وإزاى بدأنا المشكلة 
عجب العجاب احتار فى حل المسألـــــة 
رفع القضية لقاضـــــى زى السكـــرة
ودماغة عالية تقولش لمبة منـــورة
حبك السيناريو بخطة جامدة ومحكمة 
جمع الدلايل فى أربع سنين ناقص سنة
شخبط وخطط بالقلم والمنقلة
جهز كلامة ليوم مَحاكمة مَعلنة
ونطق بحكم إدانة للناس كلها
إلا الجناه أخدوا براءة منها
 ما العيب عليك يا شعب أخرس مستكن
تاخد على راسك و ساكت حتى مش بتان

Friday, November 14, 2014

دعاء





يا من أسرت القلب دون ســوالك 
يامن ملكت الروح فى رؤيــــاك 
أنا فى هــــــواك ذليلــة متعبــدة
أسعى لقربك فى خطى متــرددة
  أدعوك راجية  وأملى رضاك
حتى أنول الشرف فى لقيـــــاك
منك الحيــاة ،وفى نبيــك قدوتـــى 
فيك الخلاص، بنور وجهك أهتدى 

Monday, July 14, 2014

دعاء


امة ببابك جئت أرفـع شكوتــــى 
ما لى سواك لأشكو قلة حيلتى
بك استجير بحق ضعفى وذلتى
بيديك امرى يا سميع الدعـــــوة
رحماك يا عالم بضيقة حالتــــى 
منك الرجا، بهداك تصلح دنيتى


Friday, May 30, 2014

السعيد شقيان

يا شــــــاعر العربــان
إحكيلى عن إنســــــان
جاى من بلاد تان تان
صيته فى كل مكـان
صوته نغم ألحـــــان
إسمه السعيد شقيان
من عيلة الغلبـــــان
يضحك بصوت رنان
تلمح فى عينه حنان
بس الأمل بهتــــــان
بيدارى بالكتمــــــان
على قلب حب زمان
أرض إسمها تان تان
عاشقنا كان هيمــان
عمره ما داق أحزان
بس الزمن خــــــوان
يغدر مالوهش آمان
عيش سعيد فى هوان
ضنك وعذاب حرمان
مات السعيد شقيــــان
من حبه فى الأوطان
راح السعيد غلبــان
دفنوه مع النسيــان

Friday, May 23, 2014

الحلم

هوصل مهما يقولوا عليـا
هطلع مهما هيهدموا فيــا
هلمح حلمى بطرف عينيا
هتشعبــــط زى الجنّيـــة
وهتبت فيـــه ملو ايديــــا
حقى بتاعى وملكى وليا
دى حكاية أصلها منهية
وبعون الله مش منسيـــة
أصل العبرة بحسن النية 

Tuesday, April 22, 2014

الطفولة

بيبى مزقلط كفه مبطبط
وفى كرسيه يقعد متزفلط
تاتا وتاتا بيمشى يخبط
حاضن جزرايته بيتشقلط
يسند على الحيط وبيطنطط
يملى الكون بغناه ويزقطط 

Wednesday, April 2, 2014

أولادى



 إبنى الكبير مات بالرصاص الحى       الطلقة رشقت والله ما قال آى
واللى وراه فجروه فى الحــــى          من فجرهم قتلوه فى عز الضى
اما الأخير غايب مادرى مات ولا حى   بدعيله يرجع لجل بكره الجى


Tuesday, February 11, 2014

سجين الروح


 قلبى بينبض بين ضلوعــى سجيـــن
فاكــــــــر بدقه هيخــــرج المسكيــــن
يفرح ولكن  همس فرحه حزيــــــــن
يضحك وضحكه كله نـــــــوح وآنين
اهدى ده مش باقى فى عمرى سنـــين
خبط ودقدق  واملى روحى حنيـــــــن
ده اللى فاضل لى يجى بس يوميــــــن