غمضوا عينيكوا وتخيلوا معايا اللحظات الجميله دى...........ندى الصبح يبل وشك وانت بتشم ورده وبتتفرج على النيل..... الشروق على شط فاضى فى اسكندريه وانت مشغل اغنيه لفيروز.....انك تجيب البخاخه بتاعت المكواه وتبل وشك وتحط بيكتول نعناع فى بقك وتقف قدام المروحه وتغمض عينيك......انك تاكل ايس كريم شوكولا ويعجبك وتنسى الدايت وتروح ضارب 4 كمان...انك تعمل قهوه على سبرتايه وتشربها مع كوبايه ميه مشبره..... انك تقف فى بلكونه بيتكم الساعه 3 الفجر والكل نايم وتفرد ايديك وتغمض عينيك وتاخد نفس كبير وتخرجه براحه او متخرجوش خالص وتخلص من هم الدنيا.....انك تشرب ليمون ساقع جدا فى الصيف وتحس بانتعاش رهيب.....انك تربع على السرير وتشغل التكييف وتمسك كتاب 700 صفحه لكاتب انت بتحبه وتخلص الكتاب فى ليله واحده..... انك لما تكون زعلان جدا تخلى محدش يعرف انك متضايق من كتر ما بتضحك وتهزر..يمكن علشان حاسس انك ممكن تنسى همك لما تشوف اللى حواليك مبسوطين..... انك تفتح شباك العربيه وانت سايق بالليل والهوا الساقع يلمس وشك.....دى شويه لحظات فى حياه اى حد فينا...بس لحظات ذات مذاق خاص.
أغمض !!! طب هقرأ الكلام ازاى
ReplyDeleteو ايه كل الحاجات اللى هتخيلها دى
ده أنا كده ممكن أتجنن فيها
هههههههههههههههههههههههههههه
بس 100/100 يا ماهيناز
هههههههههههههههههههههههههههه..ماهو ده المقصد يابنى انك ما تقراش التهييس ده كله..ربنا يخليك ياسراج يارب دايما كده بتشجعنى.
ReplyDeleteماشى هشجعك بس أنتى دلوقتى محترفة فى فريق ايه؟
ReplyDeleteههههههههههههههههههههههههههههههههههههههههههههههه
انا محترفه فى رياضه حدف الطوب فى مركز شباب الشقلبوط بقياده الكوتش سوكا.
ReplyDeleteانك لما تكون زعلان جدا تخلى محدش يعرف انك متضايق من كتر ما بتضحك وتهزر..يمكن علشان حاسس انك ممكن تنسى همك لما تشوف اللى حواليك مبسوطين gamda awe
ReplyDeleteربنا يخليك يا دونجول بجد الاحساس ده بيجيلى كتييييييييييييييييييييييييير جدا..وصدقنى صعب انك تضحك وجواك بيبكى.
ReplyDeleteاه طبعا بس بيني وبينيك اما تشوفي فرحة الناس حتي لو كنتي زعلانة اكيد اكيد شعور بيبقي جامد جدا يعني زي ما تضحك وعنيك بتدمع
ReplyDeleteاكيييييييييييييد.....بس صدقنى بقى..كقاعده عامه اللى بيضحك كتير جواه حزن كتير ومش حزن بمعنى نكد لا انا اقصد بينجح انه يخبى مشاعره جواه بجداره
ReplyDelete