Wednesday, July 13, 2011

انتى اشتغلى ايه؟؟؟

فاكرين مارى منيب فى مسرحيه(الا خمسه) لما كانت بتقول لعادل خيرى..انتى أشتغلى ايه؟؟؟كان يقولها سواق ياست هانم.....قرفته فى عيشته طول المسرحيه بنفس السؤال الغتيت ده....بجد السواقين دول أصحاب مزاج وخصوصا سواقين الميكروباص ومؤخرا سواقين التوك توك.....بجد يا جماعه انا بقرأ  حاجات مكتوبه على الميكروباصات منها التهييس..ومنها الحكم...يعنى من الحاجات الكتير اللى قرأتها مثلا.....لو شجره الصبر طرحت ودع يبقى لسه فى فالدنيا صاحب جدع.....متبصليش بعين رضيه بص للى اتدفع فيا....الحلوه خوخه جت بعد دوخه.....ياناس ياشر كفايه أررررررر.......للبيع(اكيد مش للبيع ده لسه العداد جايب اصفار بس هو خايف من الحسد) العين صابتنى ورب العرش نجانى.....وفى واحده كده بصراحه انا مش فكراها بس بتضحك جدا واخرها دى جايه بدهب المدام......ولا لما بيكتبوا  أسماء عيالهم على الميكروباصات......وكمان بيعملوا حركه أموت وأفهم ليه......بيعلقوا شبشب او جزمه بيبى من ورا.......وبجد يعنى اكتر حاجه بتضحكنى اكتر من المقولات نفسها هى الاخطاء الاملائيه فيها....شكل اللى كاتبها معاه شهاده نحو الأميه وفى الاخر دى ظاهره فى مجتمعنا...فى ناس هتقول دى ظاهره لطيفه ومضحكه...وناس تانيه هتقول دى ظاهره عشوائيه ...بس أنا شايفه ان فعلا فيها حاجات كويسه....وبمناسبه سواقين الميكروباص سمعنى احلى سلام شعبى بيقول انا مش عارفنى انا تهت منى انا مش انا وده بمناسبه الاغانى الحلزونيه القرمزيه البتنجانيه اللولبيه اللى بيشغلوها.
Posted by at

8 comments:

  1. Mhmd Hassan (DONGOL)July 13, 2011 at 5:32 PM

    elgazma bta3t el baby dee 3shan el 7asd 3ala fekra :D:D:D

    ReplyDelete
  2. هبة اللهJuly 13, 2011 at 5:36 PM

    وابص لروحى فجأة لقتنى تعبت من المفاجأة ونزلت دمعتى هههههههههههه بحد جميلة جدا وخاصة انى اكون راكبة ميكروباص الجامعة ف ايام الامتحانات والسواق عارف ان الناس عندها امتحانات ويشغل المحكمة ولا حاجات تانية غريبة متعتبرش اغانى اصلا ولو حد اعترض يسمع مالاتشته له الاذن وده طبعا بعضهم مش كلهم

    ReplyDelete
  3. UnknownJuly 13, 2011 at 6:00 PM

    This comment has been removed by the author.

    ReplyDelete
  4. UnknownJuly 13, 2011 at 6:01 PM

    هههههههههههههههههه فكره برضه يا محمد

    ReplyDelete
  5. UnknownJuly 13, 2011 at 6:02 PM

    هههههههههههههههههههههههههههههههههههههههههههههههههههه.بجد يا هبه انتى اللى ضحكتينى بتعليقك....بس بجد لو قريتى اى افتكاسه من دول قوليلى بحب اجمعهم

    ReplyDelete
  6. Mohammed kanaryaJuly 13, 2011 at 6:11 PM

    !!!!!!عندي ملحوظة بس هقول عليها بعدين
    بس كلمك علي فكرة صح في مقولات حكم ومقولات ما حدش يفهم معناها ومقولات تموت من الضحك

    ReplyDelete
  7. UnknownJuly 14, 2011 at 4:31 AM

    طيب ماتقول ايه الملحوظه

    ReplyDelete
  8. هبة اللهJuly 18, 2011 at 6:42 PM

    هههههههههههههههههههه بس كده انتى تؤمري ياماهي

    ReplyDelete

Subscribe to: Post Comments (Atom)