يـا الله

اللهم يسر لى عُمرتى وأقضى لى حاجتى .... اللهم لا تحرم عينى من رؤية بيتك الحرام ولا تحجب عنى فرحة زيارة  الحبيب بعد طول الفراق .... اللهم إمنح قلبى لحظة السعاده المنشودة عند تقبيل الحجر الأسعد ....  اللهم أجعلنى من عبادك الطاهرين المتطهرين  خاشعى الصلاة مداومى المناجاه مقبولى الدعاء... اللهم أستُرنى وأستر أمُة يتباهى بها المصطفى يوم العرض عليك ... اللهم إنى أتوب إليك توبة لا رجوع بعدها للمعاصى .... اللهم إنى أستغفرك عن كل ذنب أذنبته وعن كل خطأ إرتكبته وعن كل فرض نسيتة أو تناسيتة  وعن كل سنُة هجرتها وعن كل صلة رحم قطتها وعن كل صدقة تأخرت فى مد يد بها ... اللهم إنى أدعوك ذليلاَ خاشعاَ وأتضرع إليك تائباَ نادماَ وأناجيك عبداَ طامعاَ  فأستجب لدعائى وتقبل توبتى ....

حب أبدى

نذوب ويبقى الزمان ، وتفنى أجسادنا وتظل معالم المكان ، ثم تتلاقى أرواحنا فنستعيد حباً بينى وبينك كان .

أين ذهب التسامُح

يامن تتشدد فى  عقيدتك ، و يامن تُصر على إهانة ذوى الديانات الأخرى لمجرد عدم قبولك لإختلافهم عنك ، يامن تكيل السُباب والشتائم لكل من يعبُد إله غير إلهك ، ويامن تمنع الأخرين من ممارسة حقوقهم فى إقامة  شعائرهــــــم الدينيه ، ألسنا كلنا بشر ! ألسنا نحمل قلوباً مثل الذى لديك ! أليس لدينا ألسنة مثل لسانك ونستطيع التطاول عليك كما تفعل معنا ولكن أخلاقنا تمنعنا ! أليس لدينا أيادى تؤدبك جزاء إستمتاعك  بمضايقتنا دومـــاً ! ألـــم تــدرك بـعــد أن الحساب يوم الحساب وأن الحكم الأخير لمن فى السماء ! ألم تدرك بعد أنه لا دين للحــــــزن ولا طائفة للدمـــــوع !

سيناء لليهود

كتير منكم سافر شرم الشيخ فى الأجازه ، وكتير منكم إشتغل هناك ، وكتير منكم برضه إتفتش فى الرايحه والجايه ولا الهربان من الخدمه العسكريه  ومش إتفتش بس لا إتبهدل فى التفتيش وشنطه إتقطعت من غشومية اللى بيفتش وإن مكانش هدومه كمان إتقطعت  ..... أنا بقى عمرى ماسافرت هنـــاك ولا شوفت جنة الله فى الأرض زى مابيقولوا عليها ... يمكن أكون بيجيلى هطل وتناحه لما بشوف صورها فى برنامج أو على النت ،  إيه ده ياعم  ميه وهوا ووجه حسن ( الوجه الحسن هناك إيه ..اللهم صلى على كامل النور مهما إستحمينا ونقعنا نفسنا فى كلور مش هنوصل لدرجه البياض دى ، بجد الشباب معذور يعنى لما يبصلنا من فوق لتحت  ) وقال إيه شعاب مرجانية و رحلات غوص شويه وهيقولوا فى عرايـــــــــــس بــحـــــــــر وجنيات تحت الميه بتدى بونبونى  للأجانب علشان تشجع السياحه ، ولا الفنادق يا أخويا إيه ده !! هو فـــى الحاجات دى فى مصر بصحيح ولا الناس دى بتشتغلنا ...أصل اللى يشوف الدويقه والسيده عائشه والمقطم وشق التعبان إستحاله يصدق إن مصر فيها أماكن نضيفه كده . أنا حاسه إن المقدمه فردت منى حبتين وإنتوا بدأتوا تزهقوا ، أوبا أهو واحد بيقول صدعتينا إنجزى مش كفايه إننا بنقرأ التخاريف دى  ، خلاص ياعـــم متزقش هقول أهو الكلمتين اللى فى نفسويتى وغايظينى ، أنا غايظنى إنى أكون فى السن ده وأعرف كـــتير عن دول أسيا وإنقساماتها وجغرافية أرضها ومعرفش تقسيمة سيناء اللى حتة من بلدى ( أو زى ما كنــــــت فاكرة إنها حتة من مصر بس كنت غلطانه)  سيناء للى ميعرفش متقسمه 3 مناطق وفقا لإتفاقية كامب ديفيــد ( إتفاقية الخيبه والندامه )  على فكرة أنا مش ضد إقامه علاقات معاهم لإن إسرائيل بالفعل كيان عسكــــرى وإقتصادى فى المنطقه وليه تقله كمان ....كلامى ده هيزعل ناس كتير وخاصة الشباب المتحمس لحـــــلــــم تحرير القدس والوحده العربيه وإن اليهود أصلهم كان العراق مش فلسطين والكلام ده ، بس ياريت نفكــــــر بدبلوماسية وتعقل وحكمه ، الناس دى عندها  نووى يقدر يفجر الوطن العربى كله ومفيش دوله عربيــــــــه واحده عندها ربع السلاح ده .... أنا اللى ضده بجد هو لوى الدراع اللى بتمارسه علينا مامـــــا أمريكــــــــا والأتفاقيات اللى بنوقعها مع إسرائيل غصب وإقتدار علشان ناخد معونة ماما أمريكا ، زى إتفاقية الكويـز وغيرها وغيرها ، المهم بقى لازم كلنا نعرف إيه هما التلات مناطق اللى سيناء متقسماهم . منطقه ( أ )     و ده الجزء الموازى لقناة السويس  وبيسمح فيها بوجود فرقة مشاه واحده وأفراد ميزيدش عددهم عن 22 ألف فرد .. منطقه (ب) ودى معظم مساحة سيناء وبيسمح فيها بوجود 4 كتايب بأسلحه خفيفه ( بتعور بس مبتموتش يا فرحتى بيكو وبالواوا ) وأفرادها ميزيدوش عن  4000  .. منطقه (ج)  ودى الحدود مع فلسطين  (اللى كانت فلسطين أو اللى باقى من فلسطين) ودى ممنوع الجيش يدخلها ولا طيراته تطير فوقها مسموح فيها بس بالشرطــــــه المصريه وكمان إيه أسلحه خفيفه من بتاعة الواوا برضه ...يعنى التوتاله  26000 جندى مجند بأسلـــحة الواوا وكام نفر شرطة بأسلحة الواوا برضه ( فالحين بس تضربونا بالقنابل المسيله للدموع ومدرعاتكــــــم تدهسنا ده اليهود أحسن مننا بتدوهم بالواوا وعلشان كده هتافنا الجديد هيكون ...الشعب يريد أسلحة الواوا ) بجد يعنى مزهله أيون مزهله مش مهزله لإن اللى إحنا فيه عدى المهازل بكتير  ، وفوق ده كله طابا اللى كل شويه تطير عليها طيارات إسرائيليه بجحه الانفاق ومطارده المهربين ( هأو هأو وكمان هأو ) أنــــــا سايبلكم الحكم هل ده يرضى ربنا ؟؟

Empty heart

He  turned on the music , turned off the light , and closed his eyes  . He was thinking about her and how beautiful she was ! she took his heart away  . She owned his soul . Her love was his blood . Her smile was his life .  Her laughter was his heaven  . She was the only woman in his life , but he wasn't the only man in her life . She dumped him . She left him alone . He was suffering  ,  but he didn’t cry . He was smiling . He was laughing . He was dying .

مدح الحبيب

كريم الحسـب ياضىّ العيـــــن

شريف النسب من الجديـــــن
حميـد الخُلق كما الأبويــــــن
سليل الأصل عظيم النســـــل
بنورك تهدى كلا الفريقيــــن

ماتت ضمائرنا

عينى عليكى يابلــد

عافـية وكترة عــدد

خانوا وقتلوا الولـــد

هدموا وهدوا الوتــد

همى فى قلـبى إتولـد

على شاب مات إتوئد

خرس اللسان وإتعــقد

طـالب يـــارب الـمــدد