دق الأمل

دَق الأمل باب القُليب الحى، جالب معاه السعد ويا الضى.

الإحتياج

ومهما بلغت قوتهم،ستبقى هى فى حاجة للأمان الذى يوفره لها،وهو فى حاجة لتدليلها له كطفل.

المُسافر

مُسافر عجوز يمشىء ببطء بين أغصان النخيل، زاده نور الشمس هَيْبَةُ فوق مَهَابَتُهُ .

صديقى العجوز

رؤياك هائمًا بين الورود فى الصباح بهجة للفؤاد.

مر عام

 مرعام وحلمت بك فى نومى لا يقظتى كما إعتدت ... مرعام و سكن الضباب ذاكرتى ... سيمر عام بعد عام وسأذكرك دوماً بالخير...

ماضى الغد

ربما نلتقى غدا فى تفاصيل ماض يتكرر مع أناس جدد.

صديقى العجوز

وكلما مررت من ذاك الطريق ، بحثت عنك أو ربما بحثت عن بسمتى الضائعة في ملامحك الملائكية.

اشتقنا لكم

وما إن أغمض الطرف إرهاقاً، ومض الفؤاد بحبكم.

إقرأ

إقرأ حتى يتخلل العلم أنفاسك و يجمع شتات أوصالك.

نصيحة أمى

وكلما أظهرت علامات الضجر من الضغط و كثرة المهام،صاحت أمى فى حزم "ضغط الشباب،مجد شيبه".

صباح خريفى

صباح خريفى مشرق، مثالى لعشق التفاصيل،والتأمل فى صمت وخشوع. فها هى أم كلثوم تشدو في الراديو "غنيلى شوى شوى"، فيما تنثر أشعة الشمس نورها على أهرامات الجيزة لتزيدها هيبة فوق هيبتها وربما تزينها ببهجة من نوع خاص تمحو حقيقة أنها قبور.. فيما تأبى نسيمات الهواء أن تمر دن أن تلهو بأغصان الشجيرات  على سياج ذلك الفندق الشهير صاحب المائة عام أو أكثر.. وعلى الجانب الاخر يقف عامل محطة الوقود متثائبا  في خمول وهو يحرك يديه بشكل تلقائي لتوجيه السيارات للدخول للمحطة   المكتظة بحاملى أكواب الشاى البلاستيكية من العمال و حاملى أكواب القهوة الورقية ذات العلامة التجارية المميزة من قائدى السيارات الفارهة.

حياء البسمات

و حياء بسمتهم للفؤاد سارق.

فى الإختلاف حب

يُحكى أنه أحب ثرثرتها، فسحرها بهدؤه.

ضوضاء الفكر

لا لست وحيدا هذا المساء فضوضاء أفكارى تخرق هدنة صمتى بضجيجها 

رونق المسافات

يتوهج رونقهم عن بعد ،فإن إقتربوا زهدناهم.

مال القلب

تهادى الورد بين النسيمات خجلا، فمال القلب معه عشقا.

هذبوا قلوبكم

والقلب إن مال قوموه بالشدة، فاللين ما عاد يصلح تهذيباً.

انا شخص سىء

بعد يوم حافل بالمدح والثناء اختلى بنفسه وحدثها قائلا "أنا شخص سىء ولكنى ربما فعلت أو قلت  شيئا جيدا فيما مضى جعلهم يتغاضون عن حقيقتى. كلانا يعلم انى سىء، أحيانا اكذب، وكثيرا ما تراودني أفكار سلبية تجاه الآخرين. يزعمون انى ذكى ولا يعلمون أنى كنت على وشك استخدام ذكائى في الأذى مرارا  لولا صحوة ضميرى في اللحظات الأخيرة، كثيرا ما ارتكب الاخطاء والحماقات واخفيها ببراعة واحترافية. لا أعلم ما هو الشيء الجيد الذى فعلته لاستحق الثناء ولكنى أعلم جيدا أن غطاء الستر يحجب أشياء لا يعلمها سوى خالقى".

سواد الليل

يُحكى انه من سكن سواد الليل عينيه، شع قلبه بنور الطهر .

العاشق والمعشوق

سألناه عن العاشق فقال "عيناه للهوى فاضحتان" ، و حين ذكرنا المعشوق ردد فى دهاء "بسماته لمكنون الفؤاد كاشفات".

قصة التعهيد

بدأت القصة فى تسعينات القرن الماضى عندما ظهرت أزمة Y2K والتى تعرف أيضاً بخطأ أو مشكلة الألفية، والتى نتج عنها إنخفاض كبير فى عرض المبرمجين المحترفين فى الولايات المتحدة الأمريكية، حيث إعتاد المبرمجين فيما مضى على تقليل إستهلاك ذاكرة الحاسبات الآلية من خلال إختصار رقم السنة فى خانتين بدلاً من أربع خانات، فعلى سبيل المثال يتحول عام 1985 إلى 85 فى لغة الحاسب الآلى. ومع إقتراب عام 2000 ظهرت مشكلة أمام المبرمجين، حيث لن يقدر الحاسب على التعامل مع هذا الرقم من خلال الشفرة المختصرة مما سوف يؤدى إلى خلل كبير فى النظام المتعارف عليه. لقد تم تضخيم المشكلة إعلامياً بشكل كبير آنذاك، مما دفع الشركات إلى إعادة تحرير برامجها كمحاولة أخيرة لحماية شبكاتها من التدمير.
تمثل علاج تلك المشكلة فى تحديث برمجة الحاسبات الآلية لتتعامل مع فئتين جديدتين وهما المئات و الألاف، ولكن نظراً لمحدودية أعداد المبرمجين فى الولايات المتحدة الامريكية، لجأت الشركات إلى الإستعانة بمبرمجين هنود لتغطية العجز البشرى لديها، ومن هنا بدأت الهند فى الإنطلاق على الساحة الدولية لتعهيد خدمات تكنولوجيا المعلومات والإتصالات ICT Outsourcing عندما أثبتت أن لديها مبرمجين على مستوى عالى من الكفاءة ويتقاضون أجور زهيدة جداً مقارنة بالمبرمجين الأمريكيين. وحتى بعد إنتهاء أزمة Y2K لم يتوقف فيضان التعهيد المنتقل من الولايات المتحدة الأمريكية إلى الهند، بل إمتد الأمر لباقى الدول المتقدمة والتى أصبحت تلجأ لإسناد أداء بعض الخدمات التقنية إلى دول نامية توفيراً للتكاليف، وساعد على إستمرار هذه الطفرة إنتشار الإنترنت بشكل كبير مما أدى إلى زيادة أعداد الخدمات التى يمكن تقديمها عن بعد.

يا عزيزى كلنا عنصريون

يرسم العقل البشرى صوراً نمطية يصعب تغييرها عن الأشياء والأشخاص المحيطين به. تخيل نفسك فى غرفة متوسطة الإضاءة، بسيطة التصميم لا يوجد فيها سوى مقعد واحد لتجلس عليه فى مواجهة سبورة بيضاء ثم يأتى أحدهم ويعطيك ورقة وقلم ويطلب منك تدوين أول شىء يخطر ببالك كرد فعل لما سوف يكتبه على السبورة. البداية سوف تكون مع" الهند"، ثم تأتى" الصين"، وتليها" البرازيل"، وأخيراً "مصر". مما لا شك فيه أن رد الفعل سيختلف من شخص لأخر وفقاً لخبراته وتجاربه الشخصية ولكن دعونا ندعى أن الإجابات ستكون كالتالى "فيل" عند ذكر الهند، "تنين" عند ذكر الصين، " حبوب البن وكرة القدم" عند ذكر البرازيل، وبالتأكيد "أهرامات الجيزة" عند ذكر مصر.

إذا طرحنا نفس الأسئلة على شخص عنصرى سوف تختلف الإجابات وتتمحور حول الشعوب بطريقة ما ولنفترض أن الإجابات ستكون "عبدة البقر" عند ذكر الهند،"عيون ضيقة" عند ذكر الصين، و "فقر مدقع وأطفال عراه" عند ذكر البرازيل ، و بالطبع " قاطنى خيام وراكبى جمال" عند ذكر مصر.

كلنا عنصريون ولكن بدرجات متفاوته، كلنا نردد عبارات التمييز داخل عقولنا ، مسلم إذا إرهابى، مسيحى إذا غير مؤمن، أسود إذا قليل الفهم، شقراء إذا غبية... راجع أفكارك مرة أخرى قبل أن تغزو بقعة العنصرية القابعة فى جمجتمك ثنايا روحك.
‬

بناء المستقبل

وكلما قاربت على الإنهيار نفسياً وجسدياً همست أمى، "هكذا يُبنى المستقبل ، من ضحى باليوم، فاز بالغد" .

فراغ القلوب

يحكى أنهم كانوا يخفون فراغ قلوبهم في عتمة الليل.

تلاشى الهموم

وكم من هم تلاشى خجلا من دوام إبتسامنا.

عيد البهجة

وإن سألوك عن العيد فقل "بهجة تنير الروح وفرحة تحتل القلب وبسمة تشرق مع تكبيرات الفجر "

حافظ على المسافات

 يا بنى ...كلنا رائعين فى البداية. جميعنا نتقن الإبتسام ونجيد إظهار اللطف وتبادل المجاملات ، ولكن مع مرور الوقت نتحدث بعمق، فنتقارب، ثم تجمعنا مواقف و إختبارات، فينكشف ستر أرواحنا و يتضح مكنون صدورنا .. يا بنى إحتاط ولا تقترب من أحدهم أكثر من اللازم حتى لا يصيب قلبك الوهن وتصبح هشاً غير قادر على الصمود.. يا بنى إبتسم للجميع من بعيد و لا تأخذ أحدهم من المسلمات، فيخيب ظنك وتصاب روحك بندبة لن يقدر على محوها عمراً فوق عمرك.

مشاوير

هى الدنيا إيه غير شوية مشاوير.... مشاوير بنروحها مره واحده وننساها، ومشاوير تانيه أخدت سنين من عمرنا، لدرجة إننا حفظنا معالم الطريق وإتعلقنا ببعضها وبقينا ندور عليها فى كل مره بنكرر المشوار ده علشان نحس بالأمان، حفظنا ملامح ناس غريبة عننا لمجرد إنهم بيشاركونا نفس المشوار وبقينا بمجرد ما بنشوفهم بنحس بالألفه ونبتسم بمنتهى التلقائية. إستمتع بالمشواير و ركز في التفاصيل، ساعتها بس هتقابل روحك الحقيقية فى الناس، وهتعرف نفسك من خلال الأماكن المحفورة فى قلبك وذاكرتك.

قلوب مميزة

قلوب الطموحين ذوى الأحلام مختلفة عن قلوب سائر البشر. تراها منيرة كقمر أوحد بين ملايين النجوم المتناثرة على بساط الليل المظلم.... تراها تنبض بالصبر و تتلذذ بضخ الأمل لتسند العقل المنهك من كثرة التفكير فى الغد وتستمتع ببث العزيمة لتحمى الروح الرقيقة من ندبات الزمن. تراها تصمد للنهاية حتى وإن ضعفت اوتارها جراء تلاحق خفقات الحماس تارة واخفاقات الفشل تارة أخرى.

ضياء القمر

أدرت ظهرى للقمر طلباً لنوم عز عن عينى، فأبى الضياء فراقى وأخترق وجدى.

لا قوة إلا بالله

إن مس الضعف نور روحك أو لامس الهم جدار قلبك، إخشع فى السجود وقل "اللهم قوة"، فمالك من دون الله من سند .

عشاق القهوة

عشاق البشر يتوبوا عن هواهم، أما عشاق القهوة ففى غرامها غرقى لا يبغون النجاة ❤  

الشتات

لملم شتات قلبك وثبته بين ضلوعك، لملم شتات روحك و احبسها في زنزانة جسدك الفانى، لملم شتات فكرك وانطلق .
الحرب قادمة لا محالة، ونصر المشتت درب من دروب الاستحالة.

عمر الروح

صبا الروح فى الحب، وشيخوختها في الكره.

أوتار القلب

ابتسمت في هدوء واتزان مما أظهر التجاعيد التى حفرها الزمان فى ملامح وجهها والتى لم انتبه لها من قبل، فتحسست كفها بحنان وهمست " ما بال روحك لا تشيب يا جدة، اسحر هذا أم قوى خارقة ميزك المولى بها!!" فما كان منها إلا أن ضمت كفى بقوة و ارخته على قلبى الثائر عشوائي النبض ،ثم قالت "السر فى اوتار الفؤاد يا بنيتى، فكلما زادت مرونتها، كلما سيطرت على تقلبات القلب و ثبتته بين الضلوع خشية الغرق فى تيارات الهوى المؤلمة".

الوطن الروحى

لطالما آمنت بأن لقاءنا سوف يكون فى غربة مكانية، فالاهتداء لوطنى الروحى لن يتم إلا تحت سماء مليئة بالغيوم لا تشرق عليها الشمس كما هو الحال في بلادنا... لطالما تيقنت بأن التقاء قلبينا سوف يتم فى غفلة من الزمان دون اختيار ولا قرار، لطول ما انتظرت ولا يزال ايمانى ويقينى ثابتين ..

وجوب الفكر

إن عز النوم، وجب الفكر.

الفرج

ضاقت علينا الارض بما رحبت، وضاقت منا انفسنا بما حملت وحين قاومنا اليأس لاح نور الفرج، والله ما حملنا المولى فوق طاقتنا و الله لقد حن علينا الرحيم بكرم وسخاء❤

إكتمال الروح

فراغ الفكر يحارب بالعلم ، ونقص الروح لا يكتمل الا بالتقوى، أما تقلب الفؤاد بين النفس و الآخر فلا يثبته إلا الحب فى الله.

صقور المجد

انفض هموم القلب وحلق في سماء الفرح، فالمجد بين السحاب يهيم .

الأمل

وان سألوك عن الأمل قل "إيمان يبهج القلب وقت الحزن ورضا خالد ينير الروح فى الظلمات، و بشر أنقياء سخرهم الرحمن لاسنادك حين تضعف"

إهداء إلى.. إيمان، خالد، وعبد الرحمن.

ضياء الروح

مهما حاوطك البشر من جميع الاتجاهات، ستبقى هناك روحا واحدة، نقية و فريدة من نوعها، تحتل فكرك ووجدانك، تلك التي وهبها الله لك لتكن سراجا مضيئا في عتمة ليلك.

الرجوله

وحين  سألوها عن الرجوله قالت  " شجاعة دون عنف،و أمان غير منتقص،وحنان بلا تفريط،و إحتواء بغير تقييد،و وعد لا يخلف ولو على حد السيف" ثم ابتسمت في خجل وهمست "الرجوله هو بكل تفاصيله". 

وطن المودة والرحمة

لمعت عينيها في شغف وقالت "رغم تبدل الأحوال وتقلب الزمان، مازالت قواعد العشق النقى ثابته، فها انا ارى ابتسامتك الخجولة يا فتاة وانتى تنتظرين بصبر اللقاء الموعود،لقد كنت اراقبكما عن كثب، البداية كانت بانجذاب روحى، ثم إحتماء تلاه إحتواء، وها قد وصلنا لطلب اللجوء الأبدى في وطن المودة والرحمة".

التكامل الروحى

رغم إيمانها العميق بأهمية الحرية و الإستقلالية و التمكين لكل نساء العالم ، إلا أنها لم تنكر حقيقة احتياج المرأة لرجل ،لم تعاند الفطرة، لم تتشدق بالكلمات الرنانة التى طالما تكررت على مسامعها من المدافعات عن حقوق المرأة. لقد أقرت باحتياجها للأمان والاحتواء مهما بلغت قوة عزيمتها وصلابة إرادتها. لقد اعترفت بمكنون صدرها دون خوف من اتهامات بعضهن لها بالتخلف والرجعية ... لقد أعلنتها صريحة " إذا كان التكامل الروحى المتوج بحب الله فى قاموسكم خطيئة ،فأنا أول الاثمين".
#خواطر 

قواعد صارمة

هو: عشقنا بلا قواعد ،فالنتمرد.....
هى:غير صحيح ... فقواعده صارمة جدا " فالأرواح المتشابهة تتجاذب... ولكل حب نبض قلب مضاعف له فى الدقات وداعم له فى العثرات".

صبراً

تحابوا، فاحتسبوا صبرهم عبادة ،فزادهم الله تقوى بطول الإنتظار

الوصية

ابتسمت في حنان ثم قالت " اعلمى يا فتاتى أن كمال الرجوله في تقوى الله،فإن هوى قلبك فاحرصى الا يستقر إلا في كنف عابد زاهد كثير الذكر.. أما بعد،فلا يغرنك صلابته وقوة بنيانه، فالرجل مع من أحب لا يبغى سوى إظهار ضعفه دون ريبة أو خوف،فاحتويه برحمة ودلليه برفق..واياكى والعند، فالرجال ينفرون من متصلبات الرأى... أيا بنيتى، الحياة بين حال وحال، فإن ضاقت به الدنيا ذكريه بفضل الصبر وان رحب الحال به فاحرصى ألا تتم فرحته إلا بوجودك،  اوتعلمين متى يكتمل اندماج روحيكما؟ فقط عندما تتوجيه ملكا اوحدا  في علاء كيانك و تنصبيه حاكما مرابطا على مقاليد فؤادك ".

حبيبتى

 بعد طول غياب ألتقينا، أقتربت منها فى هدوء و ضميتها بمنتهى السكينة لقلبى ثم طبعت قبلة على جبينها الرقيق ..فما كان منها إلا أن ردت بأربع قبلات على وجنتى.. فأستسلمت فى خضوع  بينما أحتوتنى بين ذراعيها الصغيرين فى حنان وسافرت بى إلى عالمها النقى الخالى من الهموم.

نور الروح

وفى الضحى كان الوداع، لمست الركن اليمانى فى خشوع  ثم مررت كفى على سترتك المباركة وأودعت جزء مضيء من روحى بين خيوطك الحريرية الممزوجة بالمسك، فوربك العلى الأعظم حافظى عليه، فنور الروح إن إنطفأ تميل الدنيا ويضل القلب طريق الرضا.

الوديعة

لعلك سمعتهم يقولون أن رسائل الوداع خُلقت لتسبق الفراق، لا تصدقهم فلقد فسرتها دوماً كإيداع جزء من أرواحنا لدى الحفيظ الذى لا تضيع عنده الودائع.

جنون

وإن سألوك عن العشق، فقُل جنون أصاب روح نقية فقررت أن تهوى من أعلى قمم الكون وقبل أن تلامس السفح ضمتها روح هائمه وأبت أن تتركها تنكسر .

طيب الروح

الله رحيم بعباده الصابرين، فإن أرهقت الحياة أجسادهم، طيّب أرواحهم بنفحات من رياض رحمته و غلف قلوبهم بسكينة الإيمان، فها هى دعوة من غريب بالستر وبسمة من طفل كالبدر و سند فى الحق دون هدر و ود لن ينقص ولو إنتظرنا دهر.

طوبى

طوبى لمن غضب فإلتزم الصمت، وضاقت به الدنيا فأستغفر، وإكتئب فأنعزل، وفقد الشغف فصبر دون إنسحاب، و تألم فلم يعاتب، ولما وجب الفراق، رحل فى هدوء دون جرح للمشاعر.

الصبر

هتمر عليك فترة فى حياتك حاجات كتير أتمنيتها وسعيت ليها بمنتهى الإخلاص هتتأخر وممكن كمان تحس فى لحظة إن تحقيقها بقى شبه مستحيل.. هتلاقى إن فى حاجات كنت مخطط لها محصلتش فى حين إن حاجات تانيه خالص خارج الخطة ظهرت فجأة وكمان هتلاقى إن فى حد عمال يزن فى ودانك إن الوقت بيجرى وإنت مستنى مين و لا إيه ؟؟ وليه صابر على الوضع ده .. العمر بيجرى واليوم اللى بيروح مش بيتعوض؟ وكل يوم هيفكروك بالعد التنازلى علشان تستسلم وتغير رأيك وضغطهم عليك هيزيد لدرجة إنك مش هتبقى طايق نفسك .. فى الوقت ده اوعى ترضى بالواقع ، أوعى تنفذ كلام ضد رغبتك وإرادتك طالما واثق إن إنتظارك وصبرك مش تضييع وقت وإن الحاجة اللى إنت مستنيها تستاهل إنك تحارب علشانها ...أرجوك عافر لأخر نفس وإياك تستسلم لحد ما تحقق حلمك إن شاء الله..

بحر التفاصيل

الغرق فى تفاصيل بعضهم كفيل بنزع الهموم من قلوبنا وإنعاش أرواحنا المُنهكة

آداب السؤال

على فكرة فى آداب للسؤال.. ياريت لما حد يسأل على حاجة يكون حاول فعلاً يدور على إجابة ويتعب شوية مش يسأل لمجرد الإستسهال. السؤال اللى إنت بتسأله أكيد فى غيرك كتير سألوه قبل كده وناس جاوبتهم... أنا معنديش مشكلة خالص إن حد يسأل على حاجة بل أى إنسان المفروض يكون فى منتهى السعادة لما بيتسأل لإن ربنا جايبله الخير والثواب لحد عنده بس اللى فعلاً بيزعج جداً لما حد يسأل عن حاجة وتجاوبه فيتمادى فى السؤال عن تفاصيل ممله جداً ممكن بمنتهى البساطة يعرفها من أى مُحرك بحث بس هو مكسل .. واللى بيزعل قوى بقى إن أغلب اللى بيعملوا كده فى العادة بيطلق عليهم باحثين أو طلبة بحث. 

يوماً ما

يوماً ما.. روحك وهى سارحه فى ملكوت الله هتخبط إذ فجأة فى روح حلوة smile emoticon إمسك فيها ومتسيبهاش مهما مر عليكم وقت صعب والظروف إتلخبطت، أصل الحال دوامه مًحال، إنما الروح الحلوة عمرها ما بتتغير لو لقيت اللى يرعاها ويحاوطها بحنان ..أوعى تفرط في الروح دى لإنها يوم لما بتضيع منك مستحيل تعرف تنسجم معاها تانى وكمان مستحيل تقابل زيها لآخر عمرك...

ربنا يهدى

بستغرب جداً من الناس اللى فاهمه إن "التدكين" ومنع الخير شطارة وفهلوه وذكاوه.. زى بالظبط الشخص اللى لما يلاقى فرصة شغل أو دراسة او منحة او تدريب أو سفر و يدارى علشان محدش ينافسه ويفوز هو بالحاجه دى.. لأ بجد إنتوا إزاى مقتنعين بكده؟؟ ده أوقات بيوصل بيهم الأمر لتضليلك أو أذيتك وإحباطك علشان متكملش اللى بتسعى فيه ...والله العظيم كل حاجه فى الدنيا رزق ومهما الواحد عمل مش هياخد أكتر من نصيبه واللى ربنا قاسمه.. تأكد إن كل خير بتمنعه عن حد هيتردلك وربنا مش هيسيبك وهيمنع عنك خير عاجلاً أو آجلاً وكل خير بتسعى فيه ربنا هيسخر من عبادة اللى يردهولك وقت ضيق وزنقة أصلها دايرة والكل بيلف جواها . 

عد تنازلى

قليلاً من العُزلة التمهيدية لن يضر، فقريباً جداً سوف أنفصل عن العالم كلياً..

الغيرة

غيرة الرجل أغلبها شك، وغيرة المرأة كلها حب.

الكمال لله وحده

لا يوجد نظام حكم كامل بدون نواقص و وهفوات فالمدينة الفاضلة لم يعد لها وجود، ولا يوجد ملك/رئيس/إمبراطور/أمير/سلطان لا يخطأ فالله وحده المعصوم من الخطأ، لا يوجد شعب كل مواطنيه ملائكة وملتزمين فالتمرد والإختلاف طبيعة البشر منذ بدء الخليقة، لا يوجد قاضى عادل لا يظلم ولو حتى نفسه فقلوب بنى آدم تميل مع الهوى، والأهم من ذلك لا يوجد إنسان يقدر أن يتحكم فى مصيرك فأنت وحدك سيد قرارك .. انت المُتحكم فى قناعاتك ومبادئك وإيمانك وأفكارك.. أنت فقط ولا أحد سواك.

سلام

مهما بلغت قوتى و إشتدت أجنحتى، ومهما حلقت عالياً هنا وهناك.. سأحتمى فى ظلك إلى الأبد .. تارة لتسند ضعفى، وتارة أخرى لتحتوينى.. فحُبك سَلام به إطمئن قلبى..

الطفولة الأبدية

حتى وإن شابت أجسادنا، لا تخافى يا حبيبتى ستبقى أرواحنا بريئة ونقية للأبد... قسماً بحبك سأجعل من روحى قلعة تحتضن روحك حتى لا تنطفأ شمعة الطفولة بداخلك مهما زادت عواصف الدهر..

صباح الأمل

صباح الخير على المثابرين والصابرين، صباح الخير على اللى لسه متفائلين وعندهم ثقة ويقين، صباح الخير على جنود الحق اللى بيحاربوا ضعف نفوسهم، صباح الخير على النفوس الراضية بالمكتوب، صباح الخير على اللى بيسعوا من غير زهق ولا ملل، والأهم بقى .. صباح الخير على الناس اللى روحهم حلوة ومجرد التفكير فيهم بيبسطنا ويقوينا علشان نكمل للأخر .

نسيمات الصباح

هبت نسيمات الصباح فأنعشت أرواح بالوصال أضاءت

قناعة

أؤمن بأن قليلاً من العُزلة لن يضر، و هالة الصمت تضفى هيبة، و الصبر على الشدائد علاء فى المقام، و العشق رغم المسافات نضال، و تدليل قلوب أحبتنا فرض لا منة، أما نقاء الروح فهو السبيل الوحيد للنجاة.

الصباح الحلو

الصباح الحلو ميكملش من غير الحليب اللى بنقائه بيخفى مرارة القهوة ويلمس روحنا قبل لساننا 

smile emoticon

 بالظبط زى الناس المميزين فى حياتنا اللى وجودهم معانا بيهون أى صعب.

الدعاء العفوى

حتى وإن حاولت إنتقاء كلماتى وإدعاء الإتزان أمامهم، فدعائى لك بالغيب كان عفوياً .. وحده الله لن يلومنى على البوح بما فى قلبى...

الألعاب العقلية

 فى ناس كتير كتبوا مقالات وكتب وأبحاث عن الفروق بين طريقة تفكير الراجل والست ولعل من أشهر الكتب المتداوله كتاب Men are from Mars, Women are from Venus  ، وبما إنى مش متخصصة فمش هقول كلام علمى كبير بس هتكلم عن حاجه كتير من الرجاله ميعرفوهاش عن الستات.. الراجل فى العادة كائن رايق أو زى ما بيقولوا برنس فى نفسه كده، مش بيصدع نفسه وفى الغالب بيكره الدخول فى التفاصيل سواء سماعها أو سردها وده بيخليه مش بيستمتع بالألعاب العقلية اللى بتتفنن الست فى لعبها وكتير بيكون رد فعله عصبى أو لا مبالى وفقاً لشخصيته. لو الراجل بيفكر فى خط مستقيم فتأكد إن الست بتفكر فى منحنيات ،يعنى مثلاً من أشهر الالعاب العقلية اللى الست بتمارسها ضد الراجل هى لعبة الغيره لإثارة الإهتمام، فتلاقيها بتقول أنا متقدملى  9 عرسان منهم 3 ضباط و2 مهندسين و3 دكاتره وطيار( لازم الطيار علشان محدش يقول حاجه، وعلى فكره شايفاك ياللى جمعت الأرقام)، بعيداً عن مدى صدق روايتها من عدمه، هى كل اللى عايزاه إنها ترجع ثقتها فى نفسها اللى إتهزت لأى سبب من الأسباب بإنها تستفزه من خلال خلق منافسين ليه، لو الراجل عصبى فى العادة هيقولها "طيب ربنا يوفقك ويسعدك وانتى تستاهلى واحد احسن منى"، أما لو هادىء هيضحك ويقول لا مؤاخذه "اللى اخدته القارعه، تاخده أم الشعور".. مش ده الرد اللى هى مستنياه هى كل اللى عايزه كلمتين يطمنوها ويرجعوا ثقتها فى نفسها وده كان السبب الأساسى فى إنها بدأت اللعبة من الأول.. فى ألعاب عقلية كتيرغيرها وكل واحده ليها غرض  وأشهرها كلمة "حاضر" اللى الست بتقولها فى حاجه مش عايزه تعملها بس طاوعتك فيها.. ساعتها تاكد إنها هتاخد المقابل فى لعبة تفاوض على حاجه تانيه إنت رافضها . وغيرهم وغيرهم .. الخلاصة، إن الراجل عمره ما هيستمتع بالالعاب العقلية دى ولا هيفهم إزاى يتصرف معاها إلا بعد سنين كتير من العشرة  وفى المقابل لو فى اتنين ستات شافوا بعض لأول مره وواحده حاولت تلعب لعبة عقلية مع راجل فى وجود ست تانيه هى مجرد لحظات وهتفسر اللعبة والغرض منها، يعنى لو واحده حاولت تلعب اللعبة العقلية إياها بتاعت" أنا هنا هنا يا ابن الحلال" وفى ست تانيه موجوده، أول حاجه بتيجى فى مخها " ياربى.. إنتى مفضوحه قوى، ما تتقلى شويه" .. يا معشر النساء رفقاً بالرجال، مترهقهومش بألعاب عقلية  مملة جداً بالنسبالهم، عايزه منه حاجه قوليها زى ما هى من غير لف ودوران لإنه مش بيفهم غير الكلام اللى بيتقال بشكل مباشر...

وحدك أنت

حتى وإن شابهك من رأيته اليوم فى الشكل، فأقسم بروحك التى ليس لنقائها أربعين مثيل أننى لم أبتسم خلسه إلا إشتياقاً لك..

لا تقلق

لا تقلق من إنتظار الشخص المناسب، فبناء جسر متين يصمد أمام عواصف الدهر يحتاج لذوبان روحين هائمتين فى ملكوت العشق اللامتناهى.

ملل

اتقى ملل الصبور إذا زهق.

هدندشك

أنا: شكلنا مطولين مع بعض يا كبير، ايه مزهقتش منى...

حامل الدراع: ما إنتى اللى مفتريه وبتعملى حاجات لا سنك ولا لياقتك ولا وزنك يسمحوا بيها، ألبسى بقى.

أنا: إنت شمتان فيا طيب وربنا لربيك.

حامل الدراع: هتعملى إيه يعنى؟ أخرك تقلعينى وقت النوم ...

أنا: هشتغلك خرز وترتر و أدندنشك على الأخر، وميمنعش شويه وردات كروشية فوشيا هتليق على لونك الأزرق القمىء.. ده انا هعمل فيك عمايل، هتكرهك فى اليوم اللى قفشت فيه فى دراعى وحلفت ما تسيبوش..

‫#‏حوار_صباحى_مع_حامل_دراعى‬

‫#‏سيبونى_عليه‬
‫#‏لازم_أربيه‬

ولد صالح يدعو له

النهارده صادف وأنا بصلى الظهر فى مسجد السيدة زينب إن يكون فى صلاة جنازة وحصل موقف خلانى أبكى وأفتكر حديث سيدنا النبى " إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له" .. بعد صلاة الفرض كالعادة الإمام بيفكر الناس إزاى بنصلى صلاة الجنازة علشان اللى ناسى.. وبعدها فجاه لقينا إبن المتوفى أخد المايكروفون من الإمام وقال " ياريت اللى زعلان من أبويا يسامحه، واللى ليه حق عند أبويا أنا أسده بداله" وبعدها بكى بمنتهى الوجع والحرقه frown emoticon فكرت فى الحديث النبوى وإزاى الولد ده بار بوالده ودعيت ربنا إنى أكون باره بامى وأبويا زيه وإن ربنا يرزقنى زوج صالح وذرية صالحة على إيديهم مينقطعش عملى بعد ما أموت.. ربى لا تذرنى فرداً وأنت خير الوارثين ...

بسمة خجولة

كم أشتاق لبسمة خجولة أنت مصدرها.

إلى الأبد

لا أؤمن بيوم العشاق، ولا بأهمية تبادل الهدايا الغالية كوسيلة للتعبيرعن الحب، ولا تتواجد لدى  أدنى رغبة فى سماع إسطوانات العشق الغير واقعية بالمره، لا أحلم ببطل خيالى خارق القوى، وسيم الطلة، خالى من العيوب، متُباهى بحساباته المصرفية. لا أتمنى أن أكون بطلة نُسخة مُكررة من قصص الهيام التقليدية المنتشرة هنا وهناك. فقط أريده إنساناً نقياً يخطأ مثلى وينهار تحت وطأة الضغوط كما أنهار، يفشل كعادة البشر ولكن ينهض من جديد كعادتى، ينفجر عند التشبع بالطاقة السلبية ثم لا يستغرق سوى لحظات حتى يعاود الإبتسام إيماناً بالخير. يصبر على الإبتلاء ويحمد الله فى الضراء قبل السراء. والأهم من كل ذلك مهما طال بنا الزمان، وتغيرت ملامح وجهى وتجعدت إطلالتى يظل يرمقنى بتلك النظرة اللامعة ذات المغزى.. 

الإخفاقات المؤقتة

النهارده صحيت على خبر يصنف على إنه سىء فى قاموس ناس كتير، طريق سعيت فيه بمنتهى الإلتزام والجديه وفى نصه إتقفل فى وشى.. للوهلة الأولى قلبى إنقبض بس الموضوع إستغرق أقل من دقيقة علشان مخى يعمل حسابات الخطة البديلة، الغريب بقى إنى أدركت أن كله خطوه سعيتها فى الطريق ده كانت بتفتحلى سكه فى طريق تانى خالص ربنا مختاره ليا وأنا مش واخده بالى، كل مجهود كنت ببذله فى الطريق اللى انا رسماه لنفسى ده كانت نتايجه بتروح لطريق تاني خالص وأنا مش مُدركه.. أنا مش زعلانه،  الحمد لله عندى إحساس بالرضا والقناعة إن ربنا راضى عنى علشان كده حطنى على بداية طريق تانى هو اللى راسمه ليا.. كتير هيقولوا إنتى إنهزاميه ومع أول إخفاق فى الطريق مش هتعافرى وتحاولى تكملى، لأ خالص أصل محدش يقدر يعاند ربنا على فكره، أنا متاح ليا أعافر فى نفس الطريق اللى إتقفل فى وشى ومع الصبر وطول البال و مشيئة ربنا ممكن أحقق هدفى، بس لأ، أنا قررت أسعى فى الطريق اللى إختارهولى ربنا فى المرحلة دى من حياتى وممكن فى مرحلة تانية أرجع للهدف اللى متوفقتش فى تحقيقه، العبره مش بإنك متنهزمش، العبره بإنك ضهرك  لما ينحنى من العبء، تلحق نفسك قبل ما يتكسرعمودك الفقرى وتقلل الضغط وتستقيم فى سعيك.. الورقة دى هى الوقة اللى كان مكتوب عليها الهدف لإن من عادتى أكتب أهدافى وأفكر نفسى بيهم، أنا قطعتها مش غضب ولكن علشان متبقاش مصدرتشتيت فى الطريق الجديد، مش معنى إنى قطعتها إنى هرميها لأ هخليها محطوطه فى مكان جديد جنب مكان الاهداف وهسميه مكان الإخفاقات المؤقته، كل ما أحس إنى نجحت والغرور أو الكبر ممكن فى لحظة يدخلوا قلبى هشوف الورقة دى وأفتكر إنى زى ما نجحت ممكن أخفق والعبره مش بالوصول للقمة لأ بالمحافظة على وجودى فى القمة. 

وقفه حتميه

الصورة دى مر عليها 4 سنين، لسه فاكره اليوم ده كويس، كنت مرهقة جداً فى آخر أيامنا فى مكة قبل الرجوع للقاهرة ومع ذلك أصريت أقعد مع بابا فى الحرم ونوصل بين الصلوات بالعبادة من غير ما نرجع الفندق.. على الرغم من أنها مكانتش اول عمره لينا بس مع الأسف واجهنا فيها صعوبات كتير أغلبها كان بسبب شركة السياحة وسوء تنظيمها للرحلة.. أنا وبابا يومها إتكلمنا فى حاجات كتير ودعينا كتير ممكن اكون مش فاكرة كل التفاصيل بس اللى فاكراه كويس جداً كم المتعة اللى حسيت بيها يومها، مريت بلحظات من صفاء البال والنقاء الروحى تعتبر من أندر اللحظات اللى أى بنى أدم ممكن يمر بيها فى حياته كلها بدون مبالغة، راحة نفسية معاها بتنسى كل همومك وبتفضى دماغك، محدش بيوحشك، مبتقلقش من بكره، مبتزعلش على حاجه، مبتتمناش إن اللى إنت راسمه لنفسك يتحقق بسرعة، بتبقى كائن نقى لأقصى الحدود، بنى أدم شفاف روحه خفيفة وراضية.. مؤخراً أنا بفكر كتير وبحسب حسابات كتير وبعمل مليون خطة بديلة بسبب إن فى ظروف كتير مخليه كذا محور فى حياتى مش مستقر، كل يوم قبل ما أنام بمسك القلم والورقة وأكتب قائمة طويلة عريضة بالإلتزامات اللى لازم تخلص قبل نهاية اليوم اللى جاى ،كل يوم بصحى وأنا حاسه إنى مأخدتش كفايتى من النوم بسبب إنى حتى ساعات نومى بحسبها علشان متجيش على حساب إلتزام تانى.. أظن إنى مش لوحدى اللى بعمل كده، أغلب اللى فى سنى بيعملوا كده ولازم يعملوا كده علشان الهدف الأساسى من وجودنا هو إعمار الكون والسعى بشتى الطرق، محدش نفسه يموت وإسمه يموت معاه، محدش نفسه ميسبش وراه أثر علشان لما يموت عداد الحسنات ميوقفش ويفضل شغال، بس مع كل ده لازم وقفه، لازم استراحة، لازم من فترة للتانية نتأكد إن إحنا ماشيين فى السكة الصح والباطل مغطاش على الحق جوانا وإحنا مش واخدين بالنا، ربنا ينور بصيرتنا كلنا ويستخدمنا ولا يستبدلنا...

اللهم يسر لنا عمره عاجلاً وليس أجلاً

الشغف

فقدان الشغف أول خطوة على طريق الفشل.

سم الزرنيخ

هو: أتعلمين، هناك فتاة تلاحقنى، يبدو أنها معجبة بى.

هى: حقاًّ ! "إبتسامة غامضة" ، يا لحسن حظها..

هو: ماذا؟ الأ تغارين؟

هى: ولم أغار يا عزيزى و سوف تنعم تلك الفتاة  المحظوظة بحياة أبديه رائعة فى أقرب وقت.

هو: هل أنتى فى كامل قواكى العقلية؟

هى: أنا اليوم فى حالة إنتشاء لم أصل لها منذ زمن بعيد، فها أنت بمنتهى الرقة تقدم لى الفرصة الذهبية التى طالما أنتظرتها لإستخدام سم الزرنيخ السحرى الذى أحتفظ به منذ أحببتك، فيالسعد تلك الفتاة التى سوف تنعم بميته رومانسية أسطورية فى ريعان شبابها...

هاجر

وما الحب إلا هجرة. فها أنت تسافر هائماً خارج حدودك النفسية وتستقر داخل وطن جديد تشعر فيه بالأمان، إخبرنى ما الفرق بين ما تسلحت به لهجرتك الروحية وما يملكه إى مُسافر مُغامر أو رحال؟ أرى أن جواز سفرك الصدق وبطاقة مرورك الثقة وختم إقامتك الإخلاص وجنسيتك الإحترام ..  سافر، لاتخف ، غامر ، إعشق إلى حد الجنون ولا تهتم لأحد ، فقط هاجر ولا تعود..

عبادة الصبر

الصبر عبادة لا يحييها إلا من لديهم أحلام يرفضون الموت نفسياً أو جسدياً دون تحقيقها إن شاء المولى.

أحبوهم لأرواحهم

المال يفنى، الجمال لا يدوم، الوظائف تتبدل، المنازل تتهدم ..فإذا أحببتموهم، أحبوهم لأرواحهم لا لشىء أخر، فوحدها الروح النقية تبقى مضيئة للأبد، فإن حدث و خفت ضوئها يوماً ما، حاوطوها بأرواحكم فى حنان وسوف تنتعش وتقوى من جديد..

إشتياق

ليس كل البعد فراق، فبعض الصمت إشتياق ...

السكن

السلام على روح نقية صارت سكناً جدرانه بسمات وسقفه سابع السماوات ..

الإستقرار

الإستقرار بيمثلك إيه ؟ أعتقد الإجابة هتختلف من شخص للتانى .. فى حد هيجاوب وظيفة وحد تانى هيقول جواز وحد تالت هيقول أمان مادى وحد رابع هيقول ذرية صالحة وغيرها من الإجابات المختلفة واللى بتعكس التنوع فى الشخصيات.. خلينا نتفق أن الدراسة مهمة والشغل مهم والجواز مهم والأمان المادى مهم والسكن مهم والصحة مهمة بس الأهم منهم كلهم الرضا.. الإستقرار النفسى أهم مليون مره من الإستقرار المادى أو الوظيفى أو الدراسى أو أى نوع تانى من أنواع الإستقرار الملموس .. طيب هل الإستقرار النفسى يعنى إنى أوصل لمرحلة معينة وأحقق أحلامى وأقول خلاص كده انا أستكفيت سعى؟ لا خالص مش ده المقصود طول ما الواحد عايش وبيتنفس، لازم يسعى ويعافر ولما يحقق حلم معين يخلق حلم جديد وهدف أكبر ويحاول يوصله، بلاش يبقى طموحنا محدود وتفكيرنا سطحى.. الإستقرار النفسى هو السعى بروح راضيه، يعنى تسعى، ولو حققت هدفك تحمد ربنا أما بقى لو محققتوش فده سبب أقوى إنك تحمد ربنا إنه بعدك عن سكه مكانش فيها خير ليك وتحاول تخبط على باب حلم جديد وتسعى لهدف تانى لعل وعسى الخير يكون فيه.. الإستقرار هو بال رايق ونفس راضيه بيرتاحوا على المخده بليل فى منتهى السلام والأمان حتى ولو كان اليوم اللى مر فى منتهى القسوة والصعوبة وده ببساطة لإنهم واثقين إن بكره أحلى.

الروح الحلوة

مش كل حد شكله حلو، روحه حلوة.لما تحبوا، حبوا ناس روحهم حلوة، مش شكلهم حلو.. لما تختاروا أصدقائكم، إختاروا اللى شخصياتهم حلوة، أصل الشكل ده بعد كام سنة هيتغير واللى هيبقى هو الفكر والمبادىء والصحبة الصالحة اللى هتشدكم لقدام مش تجيبكم ورا ... 
‫#‏خواطر‬
‫#‏فكروا_بعقلكم_مش_بعينيكم‬