قطقوطه

 

أنا طفله فى سنه أولـى

إحتياجاتى بسيطــــــه

طلباتى مجنونـــــــــه

أنا عايزه بلّونـــــــــه

أو لعبه ف كرتونــــه

وعروسه أمـــــــوره

زى اللى فى الصوره

أنا عايزه مصاصـــه

وبطعم الأناناســــــه

أو علبة بونبونــــــى

مرسومه فى كراسـه

أنا نفسى فى شوكولاته

فيها نحله نطاطـــــه

أنا إسمى قطقوطــــه

وعيونى كتكوتــــــه

أنا قلبى بسكوتـــــــه

وبسنى  مبسوطـــــه