أبو رحمه

تنتخبوا مين تنتخبوا مين !!! أبو رحمه رمز التنين..ده مرشح جامد ومتين ، لازق فى المجلس ومتبت ولأهل الدايره ده مظبط ... دقنه طويله وشنبه كمان شكله يقولك م الإخوان  وبيدى على سلفى كمان ، بس إزاى وده شيخ فلتان كل كلامه جنان ف جنان... بيقولك حرية رأى وعداله مساواه فى الدين ، بيطالب بيها مدنيه فيها قواعد إسلاميه ، بينادى بيها سنيه مش سلفيه وإخوانيه .

♥

حكايتى حكايتك كتبها الزمـان ** رواها بدأها بكان يا مــكـــــــان

عشقتك هويتك لحد الجـنــــان ** وكل أما أدارى غرامى يـــبـــان

فى حبى وحبك كلام اللســـان ** دى حاجه غريبه وملهاش مكـان

عينيا فـــعينيـك بحس بحـنان  **ولمسه إيديك دى كل الأمــــــــان

فى ليلى بصلى وبدعى بهوان ** لربى وربك يصون اللى كـــــان.

Be yourself

Close your eyes , raise your head , and let the rain makes you wet  . Feel the water drops on your face . Let it go deep deep inside you . Dance , sing , and hug the air . Smile or cry . Express your  feelings no matter what people say . Just be yourself not anyone else .  Just be a human being .

خواجه نينو

خواجه نينو ده مفيش مثيله ... قرب يفلس ويبيع غسيله ... باليورو دينه  طلعله عينه ، يارب ساعده يارب عينه  ... داير يخّبط مادد إيديه ، بريطانيا هاتى ولو جنيه  ... ردت فرنسا ميهمنيش ، ألمانيا قالت فلوس مفيش  ، خواجه نينو عايز يعيش  ،   إدوله حبة غموس وعيش .

هات وهات

بابا يا بابا بُكره العيد عايز بُمب ولبس جديد ، بابا يا بابا هات صواريخ تطلع توصل للمريخ ، هاتلى خروف أحمر بيلالى عايزه يكاكى هيه وأنا مالى ، يلا يا بابا الله يخليك هاتلى فانوس شُبيك لُبيك اللى يقولى أنا مِلك إيديك ، يلا قوام نفذ طلباتى يلا بسرعه وهاتلى حاجاتى .

زحمه

بَشجُب وأعاند وأعترض ، زحمه هناك زحمه هنا . عقلى خلاص راح يتفقد ، حواليا ناس مالهاش عدد . أمشى يمين رمله وزلط ، أدخل شمال هيصه وهدد . سكت اللسان خرس إتعقد . يارب عونك يامدد ، إرحم عبيدك ياصمد .