تتجوزنى؟

• ياااه لو قلت اه...انا ساعتها هكون اسعد واحده فى الدنيا...وهوووووووووووبا مره واحده لقيت مامتى بتنده..ماهى ياماهى ياماااااااااااهى!!!!!!!!!!!!يووووووووه صحتنى من احلى حلم يقظه....يا خساره كان خلاص هيقول اه.....يوووووه مش فاهمين؟؟؟؟؟؟؟؟؟؟؟؟؟ طيب انا هحكيلكم من الاول.........انا كنت قاعده كده لا بيا ولا عليا راحت دماغى سرحت لبعيد.... بعيد ايه ؟ دى دخلت فى الغريق....تخيلت كده خير اللهم اجعله خير انى قابلت القذافى وقال ايه بطلب ايده  للجواز!!!!!!!!!!!!!!!!ناس كتير هتقول ....مين الهبله دى اللى عايزه تتجوز القذافى؟؟؟؟؟؟؟ اقولكم انا....علشان اسباب كتير جدا وهى كالتالى:-1..راجل شيك= احدث اصدارات خطوط الموضه فى الستاير وفرو الارانب والشباشب اللى بتصفر بتلاقيه لابسها...2..راجل صاحب مزاج= راجل بيصرف على كيفه ومبيستخسرش فى الاصطباحه...3..راجل قيادى= عمل ثوره وفى نفس الوقت قاد ثوره المعارضين له...4..راجل اسطورى= راجل هربان من فيلم كارتون مش شخصيه واقعيه....5راجل بيقدرالستات = عنده حراسه شخصيه كلها ستات.6..راجل بيتحمل المسئوليه = مسك بلد وهو عنده 27 سنه لحد ما مخه ساح وصواميله فوتت ...7..راجل كوميدى= كل القنوات الكوميديه خلته  يظهر بدل الفاصل الاعلانى..8..راجل مسلى =  حياه بلا ملل كل يوم فى جديد لان هطله لا ينتهى...9..راجل محترف = كل يوم هتصبح بوشه واقعد اضحك لحد ما يجيي اليوم اللى توووووووووووووووووووت  قلبى هيقف من الضحك وهموت احلى موته وانا فطسانه من الضحك..10..راجل كريم =  هيعملى احلى فرح وهيفجرلى 3 خطوط غاز طبيعى تحيه للمعازيم  ومهرى هيكون بير بترول وستاره عليها صورته علشان البسها يوم الفرح بدل الفستان...............................................................شفتوا بقى  انه انسب عريس لاى بنت طموحه...يااااااااااه ياذفتوتى لو توافق تتجوزنى ..ربنا يسامحك بقى ياماما كان لازم تفوقينى من احلى حلم يقظه دا كان خلاص ذوفه هيقول  اه.