إنجز يا سلطان ، إخلص يا فندم ، ها ! أيوه !
هيقول أهوه ! ياريتك ماقلت ياسلطان ، مع كامل إحترامى لجماعة الأخوان المسلمين بس
أنا كان صوتى لشفيق ( على فكره اللى هيبدأ يقولى إنتى فلول والكلام اللى ملوش
أى لازمه ده ، أحب أعرفكم إنى نزلت التحرير فى القوافل الطبيه بعد موقعة الجمل
والحمد لله ساهمت مع شباب محترمين فى إسعاف المرضى ) صوتى كان فى المرحله الأولى
للسيد المحترم حمدين صباحى وفى الإعاده كان لشفيق مش حباً فيه ولا إيماناً ببرنامجه
الإنتخابى ولكت تخويناً وعدم ثقه فى الإخوان المسلمين.. أنا من قبل الثورة وأنا كان
ليا تحفظات على الجماعه وزادت التحفظات دى بسبب حاجات كتير ومنها على سبيل المثال
لا الحصر نقض العهود والتراجع فى القرارات ( قالوا عند تشكيل مجلس الشعب لن نكون
أكثريه وتجاوزت مقاعد حزب الحرية والعدالة أكثر من نصف المجلس ، قالوا لن يمثلنا
مرشح فى إنتخابات الرئاسه ، ثم طل علينا المهندس خيرت الشاطر ومن بعده د\ محمد
مرسى ) الحمد لله على نعمة الإسلام والحمد لله إنى أعرف حديث نبوى بيقول (عن أبي هريرة رضي الله عنه ، أن رسول الله صلى الله عليه وسلم
قال: "آية المنافق ثلاث: إذا حدث كذب، وإذا وعد أخلف، وإذا اؤتمن
خان" ((متفق عليه)) .
زاد في ((رواية لمسلم)): "وإن صام وصلى وزعم أنه مسلم".
وعن عبد الله بن عمرو بن العاص رضي الله عنهما، أن رسول الله صلى الله عليه وسلم قال: "أربع من كن فيه كان منافقا خالصاً. ومن كانت فيه خصلة منهن كانت فيه خصلة من النفاق حتى يدعها : إذا اؤتمن خان ، وإذا حدث كذب، وإذا عاهد غدر، وإذا خاصم فجر"((متفق عليه)) )أنا مش من حقى أتهم أى تيار أو أى جماعه بأى إتهام بس من حقى أعبر عن رأيي ومن واجبى أحترم رأى غيرى وكلامى ده موجهه لكل اللى بيكيل السباب والشتائم لباقى المرشحين وخاصة المرشح الخاسر شفيق ( برضه مش حباً فيه ولكن تطبيقاً لأداب وسلوكيات فن التحاور والنقاش بالإضافه للقيم الدينية والمجتمعيه اللى إتربينا عليها ) آه دكتور محمد مرسى كسب الإنتخابات مبروك لحضرتك بس إعرف إن مقاعد المعارضه زادت مقعد وهو مقعدى ..هحترم حضرتك علشان إنت الراعى وحقك علينا نحترمك ونقدرك ، لكن صدقنى أنا قاعده ومستنيه أى تقصير لإنى مش هسكت على المطالبه بحقى من تانى ، مبروك لحضرتك ولحزب الحرية والعدالة ، أنا بقول مبروك لإن هى دى ضريبة الديمقراطيه..يوم لما نزلت التحرير عاهدت نفسى قدام ربنا إنى هتحمل مسئولية قرارى بالمشاركه فى الثورة وأى قرار هيٌصدر طالماً يمثل رغبة الأغلبيه هقبله وهطبقه بصدر رحب... كان نفسى فى حاكم بمواصفات خاصه بس مش هحكم غير لما أشوف بعينى، بس نفسى أشارككم حلمى اللى كل أملى أشوفه بيتحقق قبل أموت.
زاد في ((رواية لمسلم)): "وإن صام وصلى وزعم أنه مسلم".
وعن عبد الله بن عمرو بن العاص رضي الله عنهما، أن رسول الله صلى الله عليه وسلم قال: "أربع من كن فيه كان منافقا خالصاً. ومن كانت فيه خصلة منهن كانت فيه خصلة من النفاق حتى يدعها : إذا اؤتمن خان ، وإذا حدث كذب، وإذا عاهد غدر، وإذا خاصم فجر"((متفق عليه)) )أنا مش من حقى أتهم أى تيار أو أى جماعه بأى إتهام بس من حقى أعبر عن رأيي ومن واجبى أحترم رأى غيرى وكلامى ده موجهه لكل اللى بيكيل السباب والشتائم لباقى المرشحين وخاصة المرشح الخاسر شفيق ( برضه مش حباً فيه ولكن تطبيقاً لأداب وسلوكيات فن التحاور والنقاش بالإضافه للقيم الدينية والمجتمعيه اللى إتربينا عليها ) آه دكتور محمد مرسى كسب الإنتخابات مبروك لحضرتك بس إعرف إن مقاعد المعارضه زادت مقعد وهو مقعدى ..هحترم حضرتك علشان إنت الراعى وحقك علينا نحترمك ونقدرك ، لكن صدقنى أنا قاعده ومستنيه أى تقصير لإنى مش هسكت على المطالبه بحقى من تانى ، مبروك لحضرتك ولحزب الحرية والعدالة ، أنا بقول مبروك لإن هى دى ضريبة الديمقراطيه..يوم لما نزلت التحرير عاهدت نفسى قدام ربنا إنى هتحمل مسئولية قرارى بالمشاركه فى الثورة وأى قرار هيٌصدر طالماً يمثل رغبة الأغلبيه هقبله وهطبقه بصدر رحب... كان نفسى فى حاكم بمواصفات خاصه بس مش هحكم غير لما أشوف بعينى، بس نفسى أشارككم حلمى اللى كل أملى أشوفه بيتحقق قبل أموت.
مجد العروبه قد فنى
بيعت كرامته إنحنى
هل من دواء لدائـنا !
داء إنعدام وفائنــا
هل من مغامر بيننا !
يجمع حطام آمالنـا
هل من معيد لعزنــا !
مثل الفاروق أميرنا
هل من حكيم يقودنـا !
يخفى يذيب قيودنـا
هل من ملبى للنـــــدا !
يأسر قلوباً بالفــدا
انا هأسألك سؤال
ReplyDeleteطالما مش مقتنعه بأحمد شفيق ليه انتخبتيه مع ان كان عندك خيارت تانيه زي المقاطعه او ابطال الصوت
في حين انا متفق معاكي في اللي كتباه كله
ومع العلم اني ابطلت صوتي وفرحتي بفوز مرسي بسبب ان شفيق مش أخد الرئاسه
؟؟؟؟؟؟؟؟؟؟؟؟؟
أنا مش هكون سلبية من تانى يا عمر مش هتنازل عن صوتى وحقى ... مع كامل إحترامى لكل اللى أبطل صوته بس أنا قرارى كان مختلف....
ReplyDeleteعلي فكره موقف ابطال الصوت ده مش سلبيه بالعكس ده تعبير عن رفضي لكلا التيارين مع احترامي ليهم
ReplyDeleteوكمان انتي كده اجبرتي نفسك بنفسك (بالرغم من انك مجبره اساسا بسبب نتيجه الجوله الاولي ) بين تيارين انتي مش مقتنعه بيهم تقومي تجبري نفسك بزياده
ولكن في النهايه لناس قالت كملتها ونتمني من الله انه يوفق مرسي لما فيه الخير للبلد
يارب اللهم آمين يارب العالمين
ReplyDelete