أعظم رجال العالم

لقد ظننت أن زمن  النبلاء  إنتهى، ولكن مواقفك أثبتت لى أن عصر الرجال الأفاضل قد بدأ بميلادك.

سأظل مبتسماً

كثرت وجوه العابثين فى دنيـتى

وبقيت وحدى ضاحكاً ياويلــتـى

قالوا الجنون ومس جوهر عقله

يمزح ويضحك لا كعادة أهلـــه

آه ياعمرى من زمان تــــبــــدل

صارالبكاء كرمز نصر محـــقق

عيد الأم

هتجيبى إيه لمامتك فى عيد الأم ؟ السؤال ده إتسألته بتاع ميت مليار ألف مره خلال الأسبوع ده وطبعاً الإجابه كانت واحده موحده مختصره ، أنا مش معايا فلوس أجيب هديه لماما . مش حاجه سهله إنى أقول الإجابه دى وأنا ببتسم لإنى من جوايا زعلانه ونفسى أجيب لها الدنيا واللى فيها لإن مامتى مش مجرد أم بالنسبه لى ،  دى أمى و أختى وصديقتى وكاتمة أسرارى وكل حاجه حلوه  حصلتلى وممكن تحصلى لحد ما أموت . لما ببقى مع أصحابى وبقول بكل فخر الحمد لله أنا مبخبيش حاجه على ماما بحس إنى فوق السحاب ولامسه النجوم بإيديا ، ولما بيبقى عندى مشكله وعماله أضحك علشان أدارى حزنى وماما تبص فى عينيا وتقولى من غير كلام إنتى ممكن تدارى عن كل البشر إلا أنا ، ولما تاخدنى فى حضنها وأحس إنى كتاب مفتوح بيتمص كل الحبر الأسود من ورقه وبيتحول لصفحات بيضاء نقية ، ولما أشوف حد بيعمل سلوك مش لطيف يدل على عدم تربية وأروح البيت أوطى على إيديها ورجليها وأبوسها وأقولها تسلم الأيد اللى ضربت وربت ( على فكرة آه عادى ماما كانت بتضربنى لما كنت بعمل حاجه غلط لإنى كنت طفله عنيده جداً ولو معملتش كده مكنتش هبقى متربيه فمش هكدب ولا هدعى إنى من العيال الملايكه اللى مكنوش بيغلطوا لأ كنت بعمل بلاوى ومصايب يتفاتلها بلاد  ومع ذلك بحمد ربنا إنها كانت دايماً بتصلح فيا هى وبابا وبيدفعونى إنى أكون أحسن بطريقه لطيفه جداً وهى طريقة الثقه المتبادله ) طريقة الثقه دى طريقه فعّاله فى التربيه وهى إنهم بطريق غير مباشر فهمونى إنى هيكون عندى مساحه ثقه مش عند أى بنت تانيه فى سنى والمساحه دى هتزيد كل ما ألتزم بالقواعد الأساسيه ولكن لو كسرت قاعده ولو بسيطه الثقه دى هتتسحب ومش ممكن هستردها تانى وعلشان كده دايماً بكون حريصه إنى احاسب نفسى وأشد عليها لدرجة أن ماما بتقولى متعذبيش نفسك هذبيها بس .فى حاجه مهمه  أحب أعرفكم بيها وهى جزء من شخصية ماما . أنا مامتى إمرآه عامله لكن عمرها ما قصرت فى بيتها ،  عالمة فسيولوجى لكن عمرها ما كانت مغروره بعلمها ، أكرم خلق الله لكن دايماً متواضعه ، من بيت عز لكن عمرها ما حسست حد إنها أعلى منه لإنها مقتنعه إن الفلوس عمرها ما بتعمل بنى آدمين ، بتتعصب بسرعة لكن بتصفى فى ثوانى زى الأطفال ، بنزعلها كتير وهى اللى بتيجى تصالحنا ( بجد بزعل من نفسى لما هى بتعمل كده بحس إن قلبى قاسى )، عمرها ماحرمتنا من حاجه ودايماً بتبدينا عن نفسها ،  عمرها مازهقت منى وانا بحكى فى موضوع تافه أو عبيط ولاحتى بينت ملل أو ضيق ، عمرها ماحسستنى إنى مالش أخت لإنها كانت دايماً أختى ، كانت نعم الزوجة المتدينه اللى دايماً بتطيع زوجها  وعلمتنى أكبر درس فى حياتى عن كيفية معاملة الرجاله بتعاملها مع بابا وأخويا ، أنا مامتى أجمل وأشرف وأعظم أم فى الدنيا بس هل أنا بنت بارة تستحق أم بالروعه دى !  حاسه إنى صدعتكم بكلامى بس أنا ممكن أكون كاتبة فاشلة و مجنونه بس صدقونى دى حاجه من حاجات قليله حاسه إنى ممكن أكون بعرف أعملها ولو كنت مش متفوقه فيها  بس حبيت أعبر عن إحساسى  وفخرى بأمى وحزنى من إنى مش قادره أوفيها ولو ربع حقها  (كترت وشوش الناس ، مات الدفا الإحساس ، لكن فى عتمة ليل كنتى الأمل والضى ، كنتى السند فى  الأى . )

تخاريف صباحيه

هو إيه الجنان ده ! لما الواحد يكون فى حاجه مش عاجباه يبقى هيموت ويغيرها أو يصلحها ولما تتعدل أو تتغير ميعجبوش ويبقى  عايزها ترجع زى ماكانت ، بجد الإنسان ميملاش عينه غير التراب .

مدينتى المنورة

اللهم انى سألتك فلم ترد سؤالى وعصيتك فغفرت لى ونسيتك فلم تنسانى وتعثرت فى طريق الهدى فطالتنى رحمتك ، وزاد ضيقى فشملنى عطفك وفرجك ، اللهم بك أستعين يا رب سيد الأولين والأخرين الحبيب المصطفى الأمين . يا من ترتاح القلوب بذكرك وتتبسم الوجوه بنورك وتتهذب النفوس بعبادتك ، يامن تشتاق العين لرؤيتك والروح لبلوغ  جنتك واللسان لنطق شهادتك ، إرزق أمى وأبى زيارة قبر حامل رسالتك .

   .

أنا إتجننت

ماشيه فى الشارع وعماله أضحك ، حاولت أعرف سبب سعادتى المفرطه لكن مكنش فيه إجابه، إحتمال يكون ده رد فعل طبيعى  بعد مرحلة النكد الطويله والكآبه المفرطه  إنى ألسع وصواميل مخى تنعم  وأضحك من غير سبب ، بس عارفين بعد العمر ده كله أدركت إن الضحك من غير سبب مش قلة أدب ده هطل ولامؤاخذه

Egypt

خيانة الرفيق

عذراً صديقى لقد أخطأت حين وثقت بك ، حين أوهمت نفسى بصدق وعودك وبرائة آمالك ، حين أستأمنتك على سرى ،  حين أخبرتك بنقطة ضعفى ،عذراً يا من كنت صديقى  ..

وقفة مع النفس

لم أفقد إيمانى بالوطن ، ولكن فقدت إيمانى بالمواطنه .لم أفقد إحترامى للشهداء ،ولكن فقدت إحترامى لأنصاف الأحياء . لم أفقد إبتسامتى ، ولكن فقدت المعنى الحقيقى للسعاده . لم أفقد قناعتى بإنتصار الحق ، ولكن فقدت تمسكى بالنصر القريب . لم أقلع عن إدمان الأمل ، ولكت تأبى نفسى أن تصدق أكذوبه الغد المشرق . لم أفقد خوفى من الموت ، ولكن قل تمسكى بالحياه . لم ينضب الحبر من قلمى ، ولكن  تاهت الكلمات فى وصف ألمى .  

نداء العروبة

مجد العروبه قد فنـى

بيعت كرامته إنحنى

هل من دواء لدائنــا!

داء إنعدام وفائنـــــا

هل من مغامر بيننا!

يجمع حطام آمالنـــا

هل من معيد لعزنــا!

مثل الفاروق  أميرنا

هل من حكيم يقودنـا!

يخفى يذيب قيودنــا

هل من ملبى للنـــدا!

يأسر قلوباً بالفــدا

إبنة الأعراب

أنتى الهوى والباقيات  ســراب

أنتى الوطن فى دولة الأغـراب

قالوا كحيلة إبنة الأعــــــــراب

والعقل زين فكرها  الـــخلاب

فى العين سدد سهمها وأصاب

والقلب  بالهجر المطـول ذاب

وصل الأحبة باللقاء وطـــاب

فالعشق سيد روضة الأحباب

محبوبتى جنّيه

         

حبل الوصال دايــــب

وحروفه متنــــــــيــــه

سهم الهوا صايـــــــب

والرك ع الـــنيـــــــــه

عاشق وعشقى أصيل

محبوبتى جنّـــــــــيــــــــه     

تبعد وقلبى يـــمــــــيل

أصل الدلال غــــيــــه

مغرم بقول مواويــــل

مليانه حنيــــــــــــــــه

تبدأ بعينى ياليــــــــــل

نهايتها منسيـــــــــــه

Be Kind .

When I say  sorry I become stronger and stronger .It’s not hard to say sorry . It’s not  hard to accept an apology . It’s not hard to let it go . Life is simple so take it easy and  smile . Don’t be upset . Don’t be angry . Don’t  show  sad face . If a friend  hurts  you  forgive him or her .You  are not a God , but  you got a good heart . You are not a hero , but you  are strong enough to forgive  and smart enough to protect your friendship .

الإستسلام

لم تعد لدى الرغبه فى الإستيقاظ . لا أريد أن أقاوم  النعاس بعد الأن  . يأبى جسدى  أن يتجشم عناء النهوض من على الفراش . لم أعد أقوى على فتح عينى ومواجهة الضوء . لقد فقدت القدرة على الحراك  ، وإنقطع  إتصالى بالعالم المحيط . ولكن ظل قلبى ينبض ، ويتسائل مع كل نبض متى تنتهى معاناتى ! ومتى يأتى اليوم  الذى لا غدّ له!