أنت ليه حتتك اكبر من حتتى؟؟؟؟؟؟ ماليش دعوه انا كمان عايز حته كبيره....هات حته من عندك !!!!!!!!!!!! بقولك يابنى هات حته...ما أنت عندك كتير!!!!!!!!!!!!!!! هو دا حالنا على مر الزمان ..على طول بنتخانق ونشد مع بعض ....واللى بنتخانق عليه هو الوطن..الارض..الاصل..الجذور...كتير من الدول انفصلت واتقسمت على الرغم من كون تاريخها واحد..اصلها واحد..حضارتها واحده..وكان السبب فى اغلب الاحيان لعبه الاستعمار زى مثلا الهند لما بريطانيا سابتها وبطلت تستعمرها..تسيبها الست انجلترا حته واحده ازاى؟؟؟ لا عيب.. قسمتها للهند وباكستان ولعبت على جزئيه الاقليه المسلمه المتحدثه باللغه الارديه....وتسكت الست انجلترا على كده ؟؟؟؟؟؟لأ عيب...تروح مقسمه باكستان ..لباكستان وبنجلاديش...وعندك من الامثله دى كتير زى كوريا لما اتقسمت لكوريا الجنوبيه وكوريا الشماليه...والمانيا بعد الحرب العالميه التانيه لما فتتوها لشرقيه وغربيه وهى اصلا كانت بلد واحده هى والنمسا وامريكا واللى عملته فى الاتحاد السوفيتى و لا جارتنا السودان اللى بقت شمال وجنوب وهى اصلا كانت حته مننا ...اه مصر والسودان كانت بلد واحده ايه متعرفوش؟؟؟؟؟؟؟ عمركم ماسمعتم لفظ ملك مصر والسودان؟؟؟؟؟؟؟؟؟؟؟ بس تفتكروا بعد الثورره وحوار الفتنه الطائفيه اللى مش داخل دماغى ده ممكن مصر تتقسم وتبقى الخريطه الجديده ان المسيحيين فى الشمال والمسلمين فى الجنوب والنص منطقه نزاع؟؟؟؟؟؟؟؟؟؟؟؟ والله انا شايفه ان احنا لسه موصلناش لمرحله الفتنه الطائفيه زى ما ماما امريكا بتقول.....ده ماما امريكا دى أم العنصريه والتمييز العرقى..وقال ايه جايه تعلمنا حقوق الانسان والديمقراطيه...ياشيخه روحى اللعبى بعيد ده الفراعنه كتبوا على حيطان مقابرهم وصايا بكيفيه مراعاه الزوج لزوجته والابن لأمه ومعامله الجار لجاره ولا كتاب الموتى اللى مليان روحانيات فى قمه الروعه.......بس على الرغم من كل ده لو فضلنا نتخانق ونقول هات حته...صدقونى مش هنتقسم احنا هنتفتت...كفايه بقى كل واحد يفكر ويقول انا ثم انا.
والله العملية تتطلب نظرية مبعدية للمستقبل ونتصرف علي اساس هذه النظرة
ReplyDeleteوماهى نظريتك المبعديه يافندم؟؟؟؟؟؟ ياريت تطرحها للنقاش فى البلوجر المتواضع بتاعى....
ReplyDeleteالمقالة دى اكبر من بتعدى هاتى حتة
ReplyDeleteههههههههههههههههههههههههههههه............اتفضلها كلها يا محمد..ومبروك على الاكونت.
ReplyDeleteجاااااااااااااااامددة ومش عارفة هنفضل نتخانق كده لحد امتى والخناقات دى هتودينا لحد فين
ReplyDeleteربنا يسترها يا هبه..الايام اللى جايه احلى بس لو بطلنا شد وجذب
ReplyDeleteيعني المسألة محتاجة شوية توقعات ودراسة لردود افعال الشرائح المختلفة من الشعب تجاه القرارات اللي ممكن تتاخد في المستقبل ويا ريت كل واحد ياخد حقه
ReplyDeleteاتمنى بجد.....بس كل واحد عايز حته اكبر من التورته وكله طماع.الناس نسيت العدل.او احنا كبشر صعب نعدل فى امور كتير
ReplyDeleteكلنا بنيجي علي جق بعض انا عندي اقتراح ممكن نجيب كل حاجة جديدة شعب ,حكام , كل حاجة وادي دقني ان اتغير اي حاجة
ReplyDeleteاحنا نجيب شعب جديد احسن ونريح يابنى
ReplyDeletenice work , el bent el soghayara el kanet bt**** ba2et 3andaha blogger:D
ReplyDeletethnx yagamil ...enta lesa 3aref ...ana 3ndy blogger mn zaman :) wb3den mt3mly follow b2a rbna y5lyk :)
ReplyDeleteالموضوع رائع بس مصر والسودان كانوا دولتين ومحمد علي ضمها لمصر وانفصلت عن مصر بعد ثورة يوليو واللي طلب الانفصال السودانين
ReplyDeleteايا كان.انا بحب السودانيين جدا جدا جدا..هما ناس طيبين والوحده معاهم تشرف اى حد...........انا كنت علمى اعذرنى يا عمر معلش
ReplyDeleteكلام رائع بس في سؤال
ReplyDeleteلماذا اي مشاجرة بين المسلمين والمسيحين نقول عليها فتنه طائفية ؟؟؟
انا قولت مش فتنه .انا ضد اى حد بيقول انها فتنه...الفتنه حاجه وحشه جدا والحمد لله احنا لسه موصلناش للمرحله دى
ReplyDeleteانا بتكلم علي الواقع حاليا وخصوصا بعد الثورة
ReplyDeleteOh thnx alot sir .That was great words ..I'm very sorry I just saw your post right now,but sure I'd like to follow your blog.and I wish you all the best.
ReplyDelete