ذكاء الرجل
ونقول كمان مره smile emoticon الراجل الذكى بيستمتع بالنقاش المتحضر مع المرأه المثقفة لإنه بيستفز جواه روح التحدى و بيتعمد ينكشها ويختبر معلوماتها علشان ترد وتبحث عن إجابات على أسألته ويستمر الحوار لأطول وقت ممكن علشان هو بيبقى مستمتع بردودها اللى بتشبع رغبة عقله فى الإنتهال من العلم والمعرفة فى مقابل إن الراجل السطحى بيخاف يتناقش مع المرأه الذكيه واللى مستواها العلمى فوق المتوسط ، بيخاف تهزمه فى النقاش وبياخدها على كرامته كإنها إهانه لرجولته بسبب إحساسه بالنقص فبيرفض فتح أى سبيل للنقاش من بداية الأمر وبيجيد دور الديكتاتور ببراعة .. لكل بنت متحضرة ذكية ومتعلمة، إحمدى ربنا لو عندك أب مثقف ومتفتح بيتناقش معاكى ، إحمدى ربنا لو عندك أخ متفهم وبيحاول يصاحبك ويسمعك ويتبادل الأفكار معاكى ، إحمدى ربنا لو عندك زمايل وأصدقاء فى الدراسة أو الشغل بيخلوكى تقرأى علشان تعرفى تردى على أسألتهم ، إحمدى ربنا لو عندك أستاذ أو معلم أو رئيس بينقلك خبرته وعلمه ومعرفته وبيسمحلك تنمى مهاراتك ... النوعية دى من الرجالة وجودهم فى حياتك نعمة كبيرة جداً، حاولى تستغليها وتحافظى عليها ...
No comments:
Post a Comment