نظرية الفوضى الخلاقة لا تنطبق فقط على دول شرقنا الأوسط الحبيب بل علينا كعرب بشكل فردى ، فمثلاً كم من مرة كان هناك طرف سابع يتحكم فيك وفى تصرفاتك ويجبرك على الفوضوية الغير خلاقة بينما أنت غارق فى اللا شعور ! فقط تذكر معى لما صحيت نص الليل ومشيت وإنت مغيب ودخلت المطبخ وأكلت بار الشوكولاتة اللى محطوط فى باب التلاجة جنب البطاريات القلم ؟؟ ولما إنسقت مع المؤيدين لتيار سياسى معين وبعد ما خربت مالطا إكتشفت إنك أتضحك عليك ؟ ( عذراً مالطا فنحنا من خربت ديارنا ولكن الديمقراطية والحرية الزائدة تمنعنا من الإفصاح) ولما فقدت السيطرة وخربت الميزانية فى شراء السلع من الهيبر ماركت اللى فى المنطقة الجديدة إياها؟ آه نسيت ما هو إنت عايش فى ظل إقتصاد دولة قائم على الإستيراد بدون رقابة من دولة حلوة إسمها الصين تقع أول الكوبرى الخشب ببولاق الدكرورعلى إيدك اليمين كده و نسيت كمان إنك عايش وسط ناس غلابة فاهمين إن شويه سكر ورز ومكرونة وزيت وكيلو لحمة ب 35 جنيه فى منفذ بيع على الناصية اللى قدام الكوبرى اللى عند حبيابنا فى صين البلد هما مؤشرات علمية لقياس تحسن الأداء الإقتصادى
No comments:
Post a Comment