هو إحنا ليه لما يكون ورانا شغل أو مذاكرة أو اى حاجة لازم نعملها بس عندنا مهلة فى إنجازها فى الغالب بنأجل ونضيع وقت ونسيب الحاجة دى لأخر لحظة grin emoticon لا بجد يعنى نفسى أفهم ليه ممكن يكون عندك إسبوع كامل علشان تذاكر وميحلاش غير إنك تزنق نفسك ليلة الإمتحان أو لما يكون معاك شهر تخلص شغل وتفضل تقول بكره ولما بكره ييجى تقول بعده هكذا لحد ما تلاقى مش باقى غير يومين على ميعاد التسليم .. أوقات بحس إن الضغط وقلة الوقت من أهم أسباب الإبداع والإنجاز، فى شخصيات فعلاً مش بتظهر مواهبها وتركيزها إلا فى ظروف قاسية فى حين إن فى ناس تانيين مهارات الكروته وسلق البيض بتظهر عندهم تحت نفس الظروف grin emoticon لو كل الناس اللى من النوع الأول بتاع الإبداع إقتنعوا إن الألماظ لازم يتعمل تحت ضغط علشان يبقى ليه قيمة يبقى هيقدروا يتقبلوا الموضوع ويستمتعوا بالوقت اللى بيضيعوه من غير تأنيب ضمير بقى وزن الصوت الداخلى اللى بيقرفهم فى عيشتهم ويقولهم إعملوا اللى المفروض تعملوه، أصل بصراحة مقاومة الكسل والتأجيل فى الغالب بتفشل فمن الأول ياريت تقرروا هتستمعوا بالوقت اللى بتضيعوه ولا هتقاوموا وتتعلموا تقسموا الشغل على الوقت بما يرضى الله علشان تلحقوا تراجعوا اللى بتعملوه
No comments:
Post a Comment